Idazmakinak: binilo berria?

Uztailak 05, 2014

Garai batean bazen zerbait idazmakinaz idaztea. Zenbat aldiz ez ote dugu Paul Auster ikusi, bere Olympia makinarekin? Cormac McCarthyk kontatu ohi duenez, Olivetti Lettera 32 bat erabili zuen hamarkada luzetan, noizean behin hautsa kentzea baino mantenu gehiagorik eskatzen ez ziona. Ez zuen, gainera, McCarthyk leku aratz eta garbietan lan egiten, hain zuzen: Suttree nobelako pasarte asko, Tennesseeko abeletxe batean idatzi zituen, txerriz inguratuta. Txirrindulariek bizikletekin bezala, idazleak idazmakinekin agertu behar argazkietan. Hala zen legea.  Izenetik bertatik hasita (Smith-Corona, Underwood), armekin parekatzen ziren sarri idazmakinak –Remington etxeak, izatez, biak fabrikatzen zituen–.

Brian Awehalik horrela idatzi du duela zenbait aste East Bay Express astekarian:  “Idazmakinekiko interes berritua ez da moda kontua bakarrik.... Gehiago irakurri

Telesailak eta literatura

Ekainak 10, 2014

Almeriako El Gaviero argitaletxeak hainbat egile gonbidatu ditu euren telesail kuttuna hautatu eta hari buruz poema bat idatz dezaten. Hemen dago emaitza:


Badiako kaian eserita

Ekainak 07, 2014

San Francisco AEBetako hiririk europarrena dela esaten didatenean ez dut deus ulertzen. Europaren idealizazio batetik abiatzen da akaso uste hori? Oinez ibiltzea posible ez ezik atsegina da hemen, jende asko  dabil bizikletan, Citizen Chain bezalako hitz-jokoekin bataiatzen dituzten bizikleta-dendak daude (“Rosebud was a bike”), garraio publikoa txukuna da, ardoaren kultura handia dago eta jendeak kafetegiez, zuzeneko musikaz eta bizitzaz gozatzen duela dirudi lehen begiratuan... Baina zertaz ari dira zehazki Europaz ari direnean? Euskal mendizaleak mendian gurutzatzean bezala, halaxe diosal egiten diote elkarri hiritarrek ezezagunei. Hirugarren egunetik aurrera zerorri hasten zara, nahi gabe, auzoei diosal egiten. Kutsagarria da. Irribarre egiten dizute kalean eta ez dirudi fake bat denik. Dolarraren pultsua ez da New Yorken bezain nabarmena, zerbitzariek ez dute... Gehiago irakurri

Futbola eta literatura

Maiatzak 28, 2014

Maiatzaren 28tik aurrera, Athletic Club Fundazioaren boluntario talde batek, futbola eta literatura lotzen dituzten 60.000 liburu banatuko ditu Bilboko leku ezberdinetan: liburutegiak, liburu-dendak, metroa, eta abar. Karmele Jaio, Juan Villoro, Pedro Zarraluki, Pablo Moiño, David Trueba eta Harkaitz Cano dira ipuin hauen idazleak.

 "Zitagolak" ipuinaren pdf-a lortu