Azeri eta Herio

Gosea dauka Heriok,
zeoze nahi du:  
hondarra jan du desertuan.

Hortzetik odol jario,  
gogoratu da,
basamortuko  
Azeriaz.  

Bizi nahi du, Heriok,
bizi nahi du...
basamortuan
hortzaka.

Bizi nahi du Azeriak,  
bizi nahi du...
Bizi nahi du, azken   
gau hau.
 
Hegan daki Azeriak,
hegan daki:
zabaldu ditu hego biak...

Hemendik alde, Herio,
hemendik alde!
Utzi pakean
Azeri on hau...

Biluzik gaude
gu biok,
elkarri begira:
Azeria eta
Heriotza.

Larrutu nauzu berriro
–eta nik zeu!–
eskaintzen dizut
larru on hau...
 
Bizi nahi dut, berriro,  
bizi nahi dut,
bizi nahi dut
azken  gau hau...  

Azeri on hau...

Aitzstar (Pozoi Records, 2019)