Jai duzu

Saiakerari, burutu osteko hutsune
honek darraikio hamarkadaz hamarkada. 
Ez duzu, bada, gehiago saiatu nahi jada:
hainbat urtetan zehar ezaxolari immune
iraun duzu, ez miresmen ez begirakune 
jaso gabe, bokazioaren haginkada
hari segiz uxatuz duda eta ikara. 
Interes falta salatzen zuen isilune
bakoitzaren pipi-gaitzak jan dizu posea. 
Heldu da bazterrera egiteko garaia: 
inoren asetzaile ez zen zure gosea.
Alferrik jantzi zenuen birentzako mahaia,
aulkitik jaulkiz “Hel niri!” ese-o-esea. 
Zertan ez zure egin, ondoko gelako jaia?

Entzun hemen

(Ilunpean jai duzu, 2024)