Ura dakarzut

Ura dakartzut
eskubete ur.
Aski ez  baina,
ura dakarzut.

Azken lerro hitsa
eguzkiak
idatzi du ostertzean:
kolore berbera
dauka suak
eskutitzak erretzean.

Ura dakarzut,
urrutikoa.
Aski ez den arren
ura dakarzut.

Eztarria lehor,
pospoloak umel 
begiak errepidean,
koioteen ulu
eta sugeen ziztuak
lagaz atzean...

Ura dakarzut… 

Basamortu izan aurretiko ura
da bat-batean?
Zeruko mezuak irakurtzen
moldatzen ez garenean,
azti jakintsuak
izarren aiduru
trantzean. 

Izurdeen Lekua (*Zart, 2020)