Erlauntzako erreginak

Leihoetan, leihoetan daude... 
Leihoetan, gordeta daude begiak: 
zelatatzen... 
Leihoetan daude 
bizilagunen habiak, 
elkar gainka. 

Begietan gordeta leihoak; 
elkarrengandik ihesi soak. 
Ikusi nahi ez duguna, 
teatro isil: 
elkarren antzokira 
erori gara. 

Leihoetan gordeta daude begiak: 
zelatatzen... 
Leihoetan daude elkarren gezur erdiak... 
isilpean. 

Jon zigarroa erretzen ari da; 
ke beltzetan du Evak burua: 
hodeietan galtzea da helburua. 

Sobre barruan dauden 
gutunak gara. 

Nork irakurriko gaitu orain? 
Nork destolestuko gaitu? 
Nola maitatu bufoi bizitza, 
ximel ez dakigun hitza?  

Ama (Tenpora, 2024)